【期匯決算】炒英鎊要望實呢個位

【Now財經台】美元強勢拖累英鎊轉弱，英鎊最新跌至1.213水平，見半年低位，自英國消費物價指數(CPI)意外放緩，以英倫銀行爆冷暫停加息後，英鎊已6連跌，由1.23落到1.21，係咪已反映息差利淡因素？技術上已跌穿埋7月至今嘅下降軌，英鎊後市係咪會繼續跌？

東亞銀行財富管理部高級投資策略師黃燕娥指，英鎊弱勢其中一個原因係央行爆冷唔加息，此外，亦要留意經濟面，包括通脹及國內生產總值(GDP)數據，因為經濟表現會係英倫銀行唔可以再加息嘅原因，令英鎊下行壓力加大。

Angela又指，睇返英鎊技術走勢，去到現水平已經超賣，所以唔排除短期會搵到支持，後市可留意去年10月至今年7月嘅黃金分割水平1.21會唔會有較大支持。