【名家給力場】點解廣州率先放寬限購？

【Now財經台】過去1個月，中央接連出「組合拳」撐樓市，全國各地幾乎日日都有地方政府宣布，放寬限購、「認房不認貸」、減房貸息等，近日廣州亦宣布放寬限購，打響四大一線城市第一槍。

廣東省地產商會副會長尹德輝表示，雖然廣州樓盤銷售因而按月急升幾倍，但純粹因基數太低，政策鬆綁後，就好似用強心針幫命危嘅病人續命，就算有好轉，距離「金九銀十」嘅盛況仲差好遠。

尹德輝又話，經常有人話，內地樓市「一管就死，一放就亂」，估計中央係擔心一旦上海率先放寬限購，或導致當地樓市過熱，北京又驚影響政治，所以揀咗廣州試水溫。佢相信，廣州放寬政策後，市場反應正面，其他一線城市將會陸續跟住鬆綁。