【槓桿致勝】中芯CALL輪可考慮食糊換馬

【Now財經台】中芯國際(00981)噚日一舉收復10天、20天、50天線，今日平開後，一直企喺50天線樓上，好倉已最少連續5日錄得淨流入，5日合共有逾680萬元資金坐緊貨，中芯股價噚日急升6%，係咪應先行食糊離場？想繼續追好倉可以點擺位？

中薇證券研究部執行董事黃偉豪指，本身揸住好倉喺手，又有一定利潤嘅投資者，可考慮先換一換馬，雖然中芯唔可以同外國嘅芯片公司比較，但仍有追落後本錢，如果短線可企穩20元水平，預期股價反覆向上，因此，有好倉喺手嘅投資者，可考慮攞部分利潤換馬較遠價嘅CALL輪。