【專家分析】美股後市小心回套風險

【Now財經台】美國總統拜登與麥卡錫會晤，繼續商討債務上限事宜，嚟緊美股後市走勢會係點？

高富金融集團投資總監梁偉民指，市況走勢唔可以單睇債務上限事件，市場都預期會通過，反而美股6、7月嘅走勢要睇返息口走勢。

Wyman指出，目前多咗人認為聯儲局6月有機會加息，亦普遍認為7月甚至去到9月都未必會減息，最早都要到11月先有望減息，當市場預期出現以上變化，股市應該會受影響，但美股最近不跌反升，小心後市回套風險。