【期匯決算】金價料再上可吼位撈

【Now財經台】歐美銀行接連出事，雖然瑞銀(UBS)收購瑞信(Credit Suisse)，但包括將總值160億瑞郎較高風險債券變晒廢紙，令市場恐慌及避險情緒再升溫，現貨金價重上每盎司2000美元，衝上近1年高位，資金短期係咪仍傾向將部分資金投資黃金等避險資產？

Z.Com Bullion亞太區業務總監杜浩霆指，銀行爆煲前，市場預期美國聯邦基金利率會喺5.5厘至5.75厘見頂，投資者依家會聚焦聯儲局稍後召開嘅議息會議，會唔會因應市場出現動盪，放寬貨幣政策，以及暫停加息，呢啲都會影響美元及金價走勢。

Perry又話，黃金係傳統避險資產，加上中國持續減持美債，減持美債後多餘嘅資金將流入金市，相信金價今年會繼續向上，投資者可吼位撈貨。