【期匯決算】金價難升穿1733美元

【Now財經台】美匯指數自20年高位連日急挫，金價就借勢反彈，現貨金價由每盎司1615美元起步，1個星期已累升逾100美元，突破埋1680美元及1700美元兩大心理關口，依家喺1720美元水平上落。

艾德金融期貨部主管文錦輝認為，近排冇咩利好金價嘅消息，因為美國持續加息只會令美元持續走強，而美元已經取代黃金成為投資者首選嘅避險資產，並指呢輪升勢似係單邊夾倉而起。

Felix預期，金價難升穿1733至1743美元區間，佢又話，如果金價回落到1710美元，好大機會繼續向下。