【環球金融快線】「缺芯」變「多芯」晶片業有難

【Now財經台】晶片業已由「供不應求」變成「供過於求」，加上近期晶片巨企如美光、AMD均睇淡前景，晶片業係咪已明顯轉勢？

經濟師羅家聰指，其實疫情以來有好多類似情況，唔止晶片，仲有石油、防疫物資，其實早於大半年前已有供應過剩嘅憂慮，只不過業界數據唔流通，所以供應多咗都冇察覺到，而當需求減弱，就會見到唔少高科技公司開始炒人，就連最新型號手機原本係入冬先推售，依家都提早出市場，種種跡象都反映呢個行業由盛轉衰嘅情況頗為明顯。