【環球金融快線】投資者博互聯網泡沫2.0？

【Now財經台】科技股「女股神」Cathie Wood旗下的ARKK基金，嚴重「插水」，基本已抹去疫情後升幅，似乎已成為疫後金融市場「過氣寵兒」，不過，近日ARKK的跌勢似乎略為回穩，本月初亦見到有資金流入ARKK，係咪有望見底？

LW利達基金經理及合夥人黃耀宗表示，投資者博高增長股有見底跡象，亦會將2000年嘅互聯網泡沫時期做參考，因為當時互聯網泡沫情況同依家ARKK相關股份類似，以幅度去睇，兩者都係由高位回落約70%，可能有資金博2000年破頂情況再現，同時亦有資金博美國十年期國債息率已經見頂。