【專家分析】內地第二季經濟或負增長？

【Now財經台】內地周三召開全國穩住經濟大盤電視電話會議，內媒估計逾十萬人參加。高盛形容會議性質同規模不尋常，市場亦傳出總理李克強會上提及要確保今季經濟有正增長。內地近日為咗穩定市場信心連環出手，重視程度非常高。今次會議代表內地經濟形勢係點？

東亞銀行財富管理部首席投資策略師李振豪認為，會議及市傳李克強嘅表態，係暗示今季中國經濟可能出現負增長，因為內地疫情近日反彈，對一線城市造成持續兩個月嘅影響。中線角度睇，如果上半年經濟表現較弱，咁下半年平均要有6%至8%嘅增長，先可以達到全年增長5.5%左右嘅目標。

從投資角度睇，李振豪相信，經濟刺激措施至少維持至第三季，加上外貿形勢嚴峻，中央想靠「內循環」及中小微企撐經濟，預期會向中小企減稅，投資者可以留意呢啲板塊。