【專家分析】鋼鐵業難翻身

【Now財經台】受宏觀經濟及疫情影響，導致鋼鐵需求疲弱、鋼價下行。另一方面，由於生產所需嘅能源價格高企，而環保因素亦導致限產，喺供需兩弱下，鋼鐵企業全年盈利大倒退。歐美經濟放緩，單靠中國內需復甦動力，足唔足以帶動鋼鐵行業需求，以至供應復甦？

獨立股評人莫灝楠直言，鋼鐵業要復甦比較困難，因為需求端差，成個建築及地產業發展差，貨物、樓盤滯銷，又唔會起新樓盤，令行業工作量大跌，加上之前唔少基建項目因疫情而停滯，導致業績及數據更差。

Casper又話，天然氣、煤炭等價格上季持續高企，令鋼鐵業成本高企，喺需求下降及成本上升夾擊下，導致盈利大縮水。