【環球金融快線】歐央行會唔會再加息要睇…

【Now財經台】繼美國聯儲局後，歐洲央行噚晚亦宣布加息0.25厘，其實歐央行面對嘅問題比美國更嚴重，歐洲通脹未受控之餘，反映經濟表現嘅貸款需求再度減弱，由於融資環境惡化，銀行亦收緊信貸，經濟情況對歐央行未來嘅利率政策有咩影響？

馬山資本董事總經理林子傑指，央行加息嘅目的係減少資金嘅流動性，早前爆發嘅歐美銀行危機令銀行收緊借貸條件，間接令央行加息次數少咗，亦令息口接近到頂。此外，歐央行未來嘅利率政策取向，須視乎歐洲嘅通脹數據。