【環球金融快線】中國仍有「稀土天然屏障」保護？

【Now財經台】歐美致力發展電動車、風力發電機，稀土係不可或缺嘅原材料，有美國研究報告指，美國喺2017至2020年有78%稀土係來自中國，其實美國唔係冇稀土資源，但提煉過程會造成環境污染，因此，美國將稀土礦石出口到中國，由中國負責高污染嘅工序，再「出口轉內銷」到美國，喺呢個情況下，稀土會唔會成為中國面對美國打壓嘅反擊武器？

iFast Global Markets副總裁溫鋼城指，中國稀土技術發展成熟，係全球首屈一指，美國唔係追唔到，但需要時間及犧牲環境，不過，隨著科技改良，美國會增加稀土生產，因為生產電動車、芯片等都要大量稀土，意味未來AI技術更成熟時，將需要更多稀土原材料，產量會隨之而增加。雖然歐洲都有生產稀土，但相信未來10年，中國仍有一個「稀土天然屏障」。