【環球金融快線】散戶勿跟「女股神」撈科技股

【Now財經台】在美國聯儲局加息陰霾下，科技股前景難料，但「女股神」Cathie Wood趁周二跌市撈底，掃入包括串流媒體設備商Roku(ROKU)、醫療器材公司Butterfly Network(BFLY)及Zoom(ZM)等27隻股份。「女股神」仲話，通縮即將來臨，今次撈底行動表明公司已做好應對通縮準備。

馬山資本董事總經理林子傑認為，「女股神」係好有信念嘅投資者，但唔建議一般投資者仿效。佢分析指，Wood旗下ARKK基金今年跌咗超過50%，加上Wood投資唔少未有盈利嘅初創企業，需要投資好耐先可能有回報，喺現時市況下唔太適合咁進取。

林子傑又指，如果現階段想投資科技股，唔少投資者會考慮波幅細啲嘅股份，或者用Short Put ARKK基金嘅期權會穩陣啲。