【環球金融快線】買電動車股要睇埋現金流

【Now財經台】美國參議院月初通過《降低通脹法案》，為每輛新購電動車提供7500美元嘅減稅優惠，但值得留意係，售價逾5.5萬美元嘅電動皮卡車，同埋售價逾8萬美元嘅電動SUV，就唔符合減稅條件，有政策支持，電動車行業前景係咪唔使憂？

獨立市場策略師陳俊文認為，該項優惠最利好主攻中檔市場嘅電動車品牌，亦可刺激電動車需求，從而降低車廠嘅增產風險。

Norman又話，好多時電動車廠有足夠現金做研發工作，但未必有健康嘅現金流，佢建議投資者選股時優先考慮有正現金流嘅公司，例如美股嘅Tesla。至於既冇現金儲備又冇正現金流嘅公司，例如喺美股電動皮卡生產商NIKOLA同LORDSTOWN就要避開。