【環球金融快線】印度借「能源危機」賺到盡

【Now財經台】「能源危機」令能源股成為今年美股少有可以逆市造好嘅板塊，歐美部署罷買俄羅斯石油之際，印度就以「折扣價」低吸俄油，更對因俄烏戰事而價格抽升嘅小麥下出口禁令，最新又提高鐵礦石出口關稅，印度呢啲舉動，表面理由係控制國內通脹，但會唔會對全球商品市場火上加油？

艾德證券期貨投資策略總監文錦輝指，印度呢啲舉動，唔止火上加油，簡直係興風作浪，第一波先搞小麥，最初話出口，之後又話禁出口，最新又話加鐵礦石出口關稅，佢每次宣布完都會觸發一波升幅。

佢又話，印度同美國關係十分微妙，美國希望印度制衡中國發展，所以默許印度喺俄羅斯入平油，煉好再賣去歐洲，而印度同俄羅斯關係好，因此，可以左右逢源喺市場賺錢。