【槓桿致勝】中芯CALL唔好揀太短身

【Now財經台】中芯國際(00981)首季少賺近69%，今日(10日)較受歡迎嘅CALL輪主要有兩批，行使價19元及23元，槓杆4至6倍，今年9月或明年1月到期，依家中芯250天線喺18.7元水平，集團業績唔算有驚喜，行使價擺19元或23元會唔會太遠？

瑞銀亞洲股票衍生產品銷售部李梓維指，市場都預期中芯會賺少咗，所以呢份業績已大致符合預期，不過，始終啱啱出完業績，如果覺得短期未必再有消息可以刺激股價向上，想做長線部署就唔好揀太短身，最少要9月到期，暫時市場上比較活躍嘅CALL，行使價已上到20元，但唔一定要等價外變價內先有爆發力，所以較多人留意呢批CALL。

佢又話，收回價14元嘅牛證都可以參考，因為槓杆同行使價20元嘅CALL差唔多，都做到約6倍。