【槓桿致勝】睇好滙控揀CALL好過牛證

【Now財經台】滙豐控股(00005)繼續做回購，集團昨日(9日)宣布賣走阿根廷業務，但交易會錄得虧損。滙控股價暫時已連升4日，今早(10日)一度高見64.6元，繼續見6年高位，如果睇好滙控可以進一步向上，熱門CALL行使價介乎65元至70元，槓桿做到10倍以上，但貼價CALL年期都相對較短，係咪最好嘅選擇？

瑞銀亞洲股票衍生產品銷售部李梓維指，滙控近日多利好消息，所以有唔少投資者參會考去年8月1日高位，即66.7元，好友會憧憬滙控有力挑戰呢個高位。

Alvin話，如果依家入場，行使價68元至69元，普遍6月或9月到期，從兩批條款睇到發行商開價較進取，做到較貼嘅買賣差價。佢又稱，6月到期嘅短身CALL，槓桿有20倍，9月到期就有12倍槓桿，呢兩款CALL都較牛證好，因為牛證槓桿只有10至11倍，所以建議開好倉揀槓桿較高嘅窩輪。