【槓桿致勝】資金流入小米淡倉

【Now財經台】有消息指，小米集團(01810)新車銷情理想，更傳出集團要求供應商增產，股價昨日(2日)喺大成交下大幅抽升，今朝(3日)一度回套逾3%，多唔多投資者趁機開好倉？熱門CALL都有唔少條款選擇，行使價介乎17元至19元樓上，槓桿3倍至6倍，8月至12月到期，邊類CALL值博率較高？

中銀國際證券衍生產品部董事朱紅表示，小米股價昨日爆上，其實市場都幾意外，但SU7銷售的確唔錯，股價噚日的確升得幾急，所以今朝回調都係正常，見到今朝資金以流入小米淡倉為主，可能昨日真係升得過急，行使價11元或13元都比較多人揀，6月到期，槓桿做到約7倍，呢類PUT都較多人選擇。

好倉方面，佢就話可以等股價回落至15元水平再做部署，CALL輪可以考慮行使價18.9元，9月到期，槓桿5至6倍，呢類CALL都較多投資者留意。