【槓桿致勝】揀小米CALL要睇...

【Now財經台】小米集團(01810)首款智能電動車SU7嘅交付期延長，部分定單排至半年後。今日(2日)唔少活躍嘅CALL都好短身，4至5月到期，槓桿10至12倍。牛證方面，成交活躍嘅產品收回價較分化，由11至14元都有，槓桿有3至5倍。雖然CALL嘅槓桿高啲，但為咗避免時間值損耗太大，係咪都建議揀牛證？

滙豐亞太區財富管理香港上市產品銷售經理盧貴良指，市場對小米SU7反應唔錯，成交活躍嘅CALL實際槓桿有10倍，但要留意實際條款年期得返1個月，時間值損耗高。

Daniel又話，隨著股價向上，投資者嘅選擇唔多，可以揀較貼價嘅CALL輪，但爆發力唔夠強，揀牛證可以保持實際槓桿。小米日內股價波幅大，投資者可以揀冇收回風險嘅價外CALL，行使價約20元，12月到期嘅條款，時間值損耗較少，實際槓桿做到4倍。