【槓桿致勝】快手牛證點部署？

【Now財經台】快手(01024)噚日出咗業績，首季虧損收窄，收入按年增長逾20%，好過市場預期。快手股價今朝高開逾3%。不過，有大行喺業績後調低快手目標價，市場對呢類冇盈利嘅科技股信心唔大，加上有監管風險，依家先追入好倉會唔會太遲？

瑞士銀行亞洲股票衍生產品銷售部李梓維指，今朝快手CALL及PUT普遍有約半個至1個波幅點回調，原因係集團出業績後，不確定性少咗。佢又話，想依家入場嘅投資者，建議揀牛熊證，因為快手引伸波幅偏高，比其他科技股更高，回調幅度有機會較大，牛證收回價可以放喺55元水平，接近之前嘅低位，槓桿做到4.5倍至5倍左右。