【期匯決算】鮑威爾發表講話前 美匯指數續於104上落

【Now財經台】美國製造業活動連續16個月萎縮，2月表現亦差過預期，而消費情緒指數終值亦意外下跌。市場對美國聯儲局減息預期升溫，美債息下跌，美匯指數就回落至104以下。市場本周兩大焦點係周三(6日)聯儲局主席鮑威爾出席國會聽證會，同埋周五(8日)公布2月非農就業數據。

獨立商品外匯分析師林銘添指，雖然近期當地經濟數據偏弱，但未有影響美國市場嘅投資氣氛，現時觀望鮑威爾到時有冇明確嘅減息日程表，否則，市場將維持普遍預期6月減息呢個預測。佢又估計，美匯指數喺鮑威爾講話前夕會繼續爭持上落。

Martin續指，同樣關注非農數據可唔可以保持增長，若上月大小非農新增就業人數達20萬人以上，市場或會推遲減息日子嘅預期。