【預算案前瞻】劉明揚:港仍未出現結構性財赤(下)

【Now財經台】財政司司長陳茂波將於周三(28日)發表新一份《財政預算案》，澳洲會計師公會預期，本年度政府財政赤字逾1200億元，連續兩年逾千億元，政府亦表示，未來幾年未必可以回復收支平衡，到底本港係咪已步入結構性財赤？

澳洲會計師公會大中華區稅務委員會聯席主席劉明揚指，本港暫時仍未步入結構性財赤，出現逾千億財赤，主要係前幾年投放咗好多錢喺防疫抗疫方面，加上經濟復甦暫時未追及2019年之前，以及高息環境令融資、併購市場等，仍未出現顯著反彈，但相信喺政府推出唔同措施，希望增加一啲新資本、新人才來港，本港經濟未來幾年將會好轉。

有分析指，政府錄得逾千億財赤，係因為賣地及印花稅收入大減，但樓市短期似乎較難出現顯著復甦，未來會唔會出現結構性財赤危機？

Anthony認為，由於現時仍然係一個高息環境，加上仍處於經濟復甦期，的確需要一啲時間去等，投資者唔似以往咁大手投資，導致地產商投地時態度會比較審慎，但政府喺去年嘅《施政報告》為樓市「減辣」後，其實見到成交及印花稅收已經回升，而政府推出嘅人才輸入、投資移民等計劃，相信都會帶嚟剛性需求，加上預期下半年將會減息，期望可以吸引更多投資者及人才購買物業。

近期有唔少聲音要求再「減辣」，甚至「撤辣」，劉明揚就認為...