標籤:
【輪證贏家】繼續聽歌啦
【輪證】 2024/05/07 10:22
【now.com財經】噚日見到指數全日又紅又綠，上上落落都不知幾多次，不禁喺【輪證下半Part】哼咗兩句：佢家下黃色衫 又變返著綠色衫~ 就被老友強少 aka 陳鎮強笑我年齡暴露，Well~ 姨姨我幾十歲，怕你呀!(ﾉ>ω<)ﾉ
悶咗一日嘅恒指，竟然喺噚日完U之後抽高，五分鐘圖上見Slow STC(14.3)兩線出現觸底，本以為今日港股會隨隔晚美股造好，但去到9點20分之後見指數一跳，-0.75點開市，老老實實做咗差唔多廿年財記，呢啲咁嘅開市點數唔係無見過，只係真係好少見，恐怕今日同噚日一樣都係爬下格仔算；還好噚日喺作戰室大家都真係爬到格仔。
及至開市見指數一下跳落，係喎，今朝開市個位同噚日收市價個位只係爭0.75點，如是者一嘢向下即見「平頂」，所以作戰室戰友今日都先偷淡倉出去(句嘢未打完已經有戰友爬完格仔啦)。
小時圖上見噚日指數喺10線上橫行咗一段時間，不過技術上都未見指數失守10線，條線都真係搽咗印度神油；今日見指數開市第一步都係向下再試呢條線，當然失敗啦，嚟到依家9點43分見指數倒升兼反方向破埋18,600點，暫時高見18,638點，再創去年9月打後嘅高位。
知道指數旦凡喺開市初段時間都係比較chok，今日跌完升再跌，都只係用咗17分鐘嘅時間。睇嚟今日又可以Play返嗰隻歌啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
