【輪證贏家】準備好反方向打上去未？

【now.com財經】噚日喺下半場恒指牛(59447)，計劃喺五分鐘圖重新等多一次指數踩住保歷加通道中軸而出動。以噚日【輪證下半Part】喺Patreon出文時間為1點24分，當時指數已經踩過中軸稍回。等到1點50分左右，終於見到指數落到去中軸水平兼似有企穩，但留意當時保歷加通道頂至底得68點高，咁窄嘅範圍做Swing的確有難度，唯一要博嘅係保歷加通道口拓闊。

既然符合咗出貨條件，按照【輪證贏家】嘅【月度報告】規則，呢一注係需要「紀錄」。以噚日下半場1點50起見指數踩住中軸無穿起計如常用10分鐘作為買貨時間的話，期內(59447)高低位做過00.58元/0.053元，平均買入價為0.0555元。

之後就有啲麻煩啦，指數借中軸向再推時，保歷加通道口無拓闊，TMD Swing Trade出現，將指數由保歷加頂線一打打至落底線，換上平均線睇的話，仲瀡到落50線位置，乃念咁走法都只係將整條保歷加通道高度推闊到105點，比頭先嘅68點只係多37點，Slow STC(14,3)兩線落到超賣而保歷加通道口唔再拓闊之下，忍你，忍你Swing返條Slow STC(14,3)上超買。

終於喺3點40分等得返Slow STC(14,3)兩線上返80以上水平，(59447)總算係守得雲開，Day Trade走貨的話，以3點40分起計同以10分鐘作為走貨時間的話，其實(59447)高低位做過0.058元/0.056元，平均沽貨價為0.057元，呢一注受制於窄到無論嘅保歷加通道走咗接近兩個鐘，平均執1.5格或2.7%，唔輸當贏；不過作戰室爬到嘅格仔仲好過呢一注。

都話呢個世界永遠都係有早知，無乞衣架啦！怪不得以前啲皇帝側邊總有一個占星觀相嘅「智者」喺度傍住；如果觀星可以觀到恒指第二日開咩位，一個二個都變晒做諸葛亮啦！

今朝指數隨隔晚美股造好再推上，甫開市已經殺咗第一層熊證街貨；及至開市之後連第二層都死晒。依家其實已經10點16分，指數今日大部份時間企住喺18,000點之上。「又嚟18,000點覆防戰？」唔駛啦，輸梗。第一，指數企住熊證街貨層而18,200至18,299點有過千張期指街貨喺度；第二，日線圖噚日借10/50線踩住後，今日已經上破咗畫足就嚟一年嘅「下降通道」頂線，係嘅呢條頂線之前都有破過，不過同啲奶一樣都係假嘅，而重點係今次順個便借埋由10月左右生成嘅「上升通道」底線炒上。

恒指牛(59923)，收回價17,648點，同現價有約388點距離，今朝喺作戰室借小時圖畫咗個上下量度線，又睇下到唔到。

依家10點27分，五分鐘圖上見整條保歷加已經向上，Slow STC(14,3)稍回，平常心等Slow STC(14,3)兩線落到超賣位當Swing Trade一趟可以；進取借中軸唔會阻止。

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y