【FINTERVIEW】外資下季湧入內地ETF市場？

【Now財經台】全國人大會議今日(5日)開幕，國務院總理李強發表工作報告，提及今年會發行1萬億人仔超長期特別國債，可唔可以吸引到多啲資金流入中資股相關嘅交易所買賣基金(ETF)？係咪抄底嘅好時機？

華夏基金業務拓展部高級經理李星宇指，ETF資金主要流入滬深300指數，有唔少市場人士猜測可能係「國家隊」入市，由於滬深300覆蓋唔同行業，包括金融、醫療、製造及基建等，流動性相對較大，對投資者來講係有提振信心嘅作用。

佢又話，過去1個月，零售市場持續有資金流入，雖然見到有本地資金買入，但未見有明顯嘅外資流入，相信外國投資者係想等政策穩定性及見到連貫性先再做決定，但佢預期，今年第2季將會見到有外資流入市場。