【FINTERVIEW】內地復常呢3個行業率先彈起

【Now財經台】內地官方製造業採購經理指數(PMI)及非製造業PMI今朝出爐，雙雙重返擴張水平，前者最新報50.1，符合預期，後者最新報54.4，遠勝預期，內地經濟前景係咪會持續向好？市場對春節過後經濟復甦係咪更有信心？

安柏環球金融首席投資總監雷志海指，相信內地經濟大勢向好，但未必會呈多方向式膨脹，參考歐美嘅復常過程，旅遊業復甦較為明顯，預期內地服務、消費及旅遊相關行業會率先反彈，至於生產、工業、製品等行業，喺第1波復常未必會好突出。

John又話，內地第1波復常撞正農曆新年，因此，未見到大量內地遊客嚟香港，呢點同歐美復常情況唔同。