【FINTERVIEW】美零售「大日子」帶挈股市？

【Now財經台】美國感恩節後，一年一度嘅Black Friday及Cyber Monday快到，市場對呢啲零售「大日子」嘅銷售樂唔樂觀？消費意欲嘅熱度又保唔保持到？

方德金融策略師鍾駿指，睇返美國嘅零售數據，反映消費者係抵禦到高通脹嘅衝擊，由於零售商嘅庫存量喺一個高水平，唔排除會大幅減價促銷，而消費者嘅消費意欲仍然好強，因此，Steven建議投資者可留意美股，喺美國經濟轉好下，相信消費數據會非常唔錯，亦可憧憬美國零售商明年上半年唔使再下調盈利預測。