【FINTERVIEW】今年全球經濟衰退機會微

【Now財經台】美國新屋銷售跌逾16%，係兩年以嚟最少，5月綜合PMI又跌至4個月低位兼差過預期。美國通脹高企，聯儲局不斷加息，經濟數據又轉弱，美國經濟係咪已經轉弱？

花旗銀行投資策略及環球財富策劃部主管廖嘉豪指，美國房價中位數仍然高企，反而環球經濟衰退危機先係市場焦點，但相信今年陷入衰退嘅機會唔大，因為勞工市場相對緊張，美國勞工薪酬按年升約6%，而近期零售銷售上升，加上工業生產值連升4個月，其中油田及能源上升速度唔錯，佢認為，美國經濟今年放緩係正常，因為財政支援減少，加上聯儲局應對通脹態度強硬，雖然經濟有機會放緩，但陷入衰退機會唔大。