【FINTERVIEW】 美股頂得住議息結果

【Now財經台】聯儲局議息前夕，美股3大指數噚晚又破頂，雖然「收水」時間表應該好快出爐，提前加息預期又升溫，但美股仍不斷破頂，市場似乎已消化咗減少買債、即將「收水」呢啲負面消息。

翱騰投資管理層董事總經理祝振駒認為，聯儲局過去一段時間釋出「收水」訊號時，做得比以往好，幾個月前已做市場預期管理，例如講出「收水」意向，又放風指計劃明年底前加息，隨著市場逐步消化呢啲消息，美股經歷多次調整後再上衝，甚至創新高，佢估計，喺市場反應傾向樂觀下，議息結果應該唔會對股市造成太大影響。