【FINTERVIEW】監管風暴下點揀科網股？

【Now財經台】港股噚日長假後復市，但未能延續假期前嘅強勢，喺科網龍頭領跌下，連29000點都守唔住，科網股今朝個別發展，到底科網股第二季有冇運行？

摩根資產管理環球市場策略師周奐彤指，監管相關消息可能會繼續困擾科網股，增加咗呢個板塊嘅不確定性，短線會比較波動，投資者要審慎啲，但估計中長線可以為大市帶嚟正面影響。

佢又話，喺監管風暴下，因科網股龍頭係「風眼股」，暫時會比較chok，所以二、三線或新掘起嘅科網股會較睇好，投資者可留意邊啲公司食到5G、創新、減炭排放條水，然後睇埋業績、負債表再落注。