【FINCHAT】幫你搵養生飲品Perfect Match！

【Now財經台】 今集《FINCHAT》有CheckCheckCin創辦人梁尹倩(Cinci)同大家傾一傾健康養生飲品嘅市場價值。

1.點解會開養生飲品店？

Cinci: 市面上部分飲品唔係人人啱飲，亦未必適合日日飲，所以想推出屬性比較平和，又健康好飲嘅飲品。

2.飲養生飲品係邊類顧客？

Cinci: 主要係25歲至45歲嘅客人，通常都係白領、年輕夫婦。

3.養生飲品反應如何？

Cinci:以即沖米水為例，六間舖每月合共賣出約20000杯，依家仲會做埋即沖或紙包飲品。

4.店舖點樣幫生活節奏快嘅客人養生？

Cinci:我哋有個「隨身中醫師」App，客人可以喺2、3分鐘做個問卷，就大概知道自己嘅體質，然後就知咩啱食或啱飲。

5.養生飲品店外仲有咩搞作？

Cinci: 公司會不定期同唔同企業合作，例如搞美食節、Pop-up Store，又會提供贊助，例如癌症中心，試過有病人飲咗我哋嘅產品後覺得舒服咗。