【名家給力場】王良享:料美國7月、12月減息

【Now財經台】美國商用物業市場需求疲軟，加上愈來愈多業主不敵高利率，商業物業抵押貸款嘅壞帳率升至接近歷史高位，而未來12個月有180億美元商業抵押擔保證券(Commercial Mortgage-Backed Security)到期，較2023年高出逾1倍，評級機構穆迪料當中將有73%貸款可能難以再融資。

不過，臻享顧問董事總經理王良享認為，相關壞帳風險唔算嚴重，未至於會逼使聯儲局盡早減息應對，並指當地商用物業市場氣氛已經好過去年中，留意到商舖同多戶型物業(Multifamily)嘅按揭需求回暖。

Tommy續指，聯儲局最關心嘅核心個人消費物價指數(PCE)已回落至接近2.6%嘅目標水平，即使未來3個月嘅PCE通脹數據唔大跌，估計聯儲局有空間喺今年7月同12月減息2次。