【名家給力場】美基金經理押注減息 爆買債券隨時出事(上)

【Now財經台】據美國最新數據顯示，當地通脹仍有好大靭性，令市場調整咗對聯儲局幾時開始減息，減幾多次息嘅預期，市場原本對減息嘅預期及睇法都幾進取。

「股市漁夫」創辦人莊志雄指，睇返美銀嘅基金經理調查，過去20年，未見過咁多基金經理認為今年一定減息，如果睇2年期利率，未來兩年會減4次息，根據過往經驗，聯邦基金利率表現係緊貼2年期利率，而後者最近係升緊，尤其去年12月之後，因此，最易出錯就係呢個位，太多人以為今年開始減息，其實「新債王」岡拉克(Jeffrey Gundlach)指，如果用2年期利率量度，預期聯儲局今年減息1次，明年就減3次，呢個就係落差。

Lewis又話，但基金經理幾乎100%認為今年會減息，所以佢哋買債買得好勁，見到overweight債券係最多，所以好大機會喺呢度出錯。