【名家給力場】債息突抽高對美股有啟示？(下)

【Now財經台】近期美股唔少人工智能(AI)相關股喺業績期暴升，標普500指數亦跟住創新高，但市寬走勢就愈來愈背馳。「股市漁夫」創辦人莊志雄指，紐交所周一(5日)只有不足20%股份上升，係1962年以來從未見過嘅異常情況，提醒美股後市或會好波動。

佢又話，債市亦出現異常，上周五(2日)至周一兩日內，美國10年期債息突然抽高近30點子，對上一次升咁多已經係2022年3月，當時聯儲局開始加息。

Lewis續指，同ISM服務業商業價格指數喺過去1個月抽升有關，而服務業喺當地消費物價指數(CPI)嘅佔比最重，美債息急升或反映債市投資者預期，上半年通脹隨時不跌反升，並對主流嘅減息預期有所警惕。