【名家給力場】內地樓市今年進入「療養期」

【Now財經台】內地去年推出唔少政策救樓市，但踏入2024年似乎靜咗好多，而近日就有中央計劃掟2萬億人仔救股市嘅傳聞，樓市方面係咪要等農曆新年後先再有消息？內地樓市今年過年前後係咪都唔會有太大起色？

廣東省地產商會副會長尹德輝指，中央嘅樓市思路係唔好升得咁高，同埋有時唔需要好直接針對性出招，例如股市好樓市都會跟住走，好似孖公仔咁，相信中央都睇到，出招出到咁上下，樓市自己都會識郁，所以都要睇下其他範疇，例如股市，因為都好貼近民生，所以如果整體經濟好，地產都唔會差。

佢又話，去年幫內房保交樓嘅錢係以萬億計，睇到成個社會都係穩定，使咗嘅錢係確保樓市唔好爛、唔好出事、唔好出現糾紛，尹德輝認為，今年政策取向應該係由「急救變療養」，已經由ICU出返嚟嘅房企，今年係值得留意。