【專家分析】美中期選舉後美股翻身定繼續冧？

【Now財經台】美股上周五(10月30日)喺10月最後一個交易日大冧，其中，納指暴瀉逾千點或逾3%，10月埋單計，美股各主要指數僅道指有得升，費城半導體指數(SOX)更重挫15%，重災區科技股嘅資金流向傳統股、防守股及美債，今個星期重頭戲一定係美國中期選舉，共和黨選情危危乎，會點影響美股？

星展銀行(香港)豐盛私人客戶執行董事鄧威信指，呢個情況涉及好多因素，其實美股科技股過去幾個月，波動性都較大，唔係今日嘅事，其中1個原因係多家科技巨企現金流出現負數，市場擔心人工智能(AI)咁樣燒錢要燒到幾時，其次係呢啲巨企已投資咗咁多錢喺AI，但暫時都睇唔到有邊間可以喺AI賺到錢，尤其槓桿較高嘅公司。

中期選舉方面，Wilson就話，市場依家認為，共和黨好難維持到優勢及話事權，但更擔心近期傳出嘅一啲消息，包括美軍喺選後有機會再攻打伊朗，加上債息持續高企，都令資金作出一啲調配，從估值較高嘅Sector轉投國債。