【FINTERVIEW】AI股債務暫時唔會爆煲？(上)

【Now財經台】科技及人工智能(AI)股之前都調整咗唔少，有投資者質疑AI投資過度，推高槓桿及債務，令資本開支(CapEx)不斷上升，擔心收入及同盈利未必跟得上，甚至失控，投資者呢方面嘅憂慮依家有冇紓緩？

華晉證券資產管理投資總監馮宏遠表示，長遠而言，市場擔憂仍會持續，由於AI行業暫時未能肯定盈利足以負擔債務，以及可以有穩定嘅按年增長，現時連表現最好嘅AI股都係借緊錢等回本期，因此，長遠嚟講投資者對AI企業債務，普遍好似雪球咁隨著利息增加愈滾愈大嘅憂慮仍會持續。

相反，短期而言，Thomas對第4季前半段比較有信心，指市場憂慮會紓緩，主要係依家有嚴重債務問題嘅公司只有2至3家，短期應該唔會再出現違約事件，所以投資者可以稍為放心。