【專家分析】美通脹飆揸美股要換馬美債？

【Now財經台】美國9月通脹超預期，消費物價指數(CPI)按年升3.7%，按月就升0.6%，錄得5個月以嚟最大升幅。《褐皮書》亦反映未來數月通脹壓力升溫，當中多次提及柴油高企問題，拖累美股3大指數昨晚(14日)全線向下，據最新利率期貨顯示，CPI出爐後，10月加息機會一度急升至50%。不過，白宮經濟顧問哈塞特(Kevin Hassett)大派定心丸，話聯儲局仍可以睇定啲先再加息，但點解美匯指數、債息反而全線回落？

嘉賓鴻鵠資產管理行政總裁陸庭龍表示，如果通脹升溫，加息預期跟住升係預期之內，而一直以來冇乜影響嘅股市亦已經去到臨界點，所以今次股市調整應有別於以往，調整幅度可能達雙位數，咁資金一定會流出股市，轉投債市。

Alan又話，即使聯儲局嚟緊再加息，現時長年期債息已經升上歷史新高，令投資者認為去債市避一避都唔係問題，所以美債會有需求令債息回落。