【FINTERVIEW】3個原因美CPI「爆表」唔使太擔心(上)

【Now財經台】美國消費物價指數(CPI)出爐，整體及核心CPI按年升幅都超預期，整體按月升0.6%，核心就按月升0.3%，美國通脹「爆表」，震散亞太區股市，其中，南韓股市一度急瀉近8%，跌到熔斷，日股就一度暴跌逾3200點，點睇美國通脹走勢？亞股今朝表現係咪過度憂慮？

蓮華資產管理首席投資官兼管理合夥人洪灝表示，其實CPI唔係美國聯儲局加息或減息嘅標準，通貨膨脹先係，而大部分通脹係來自汽油、食品等，雖然9月CPI超預期，但仍喺合理範圍，若排除波動性較大嘅能源、食品，9月核心CPI按年升2.6%，屬於可控範圍，亦算接近聯儲局2%嘅目標。

佢估計，美國通脹會持續高企幾個月，但投資者唔使太擔心，因為通脹預期不變，實際上升係實際利率、期限利差，加上美國拍賣國債海外需求非常強勁，美元走強亦反映資本不斷流入，國際投資者對美國財政仍有信心，認為日韓股市今日暴跌係反應過度。