【期匯決算】金價短期唔會跌穿4000美元

【Now財經台】金價繼續整固，現貨金價受制於每盎司4200美元，如果今晚(14日)美國公布嘅消費物價指數(CPI)及周四(15日)嘅生產者物價指數(PPI)，最終低過預期，金價係咪可以借勢反彈？參考對上3次美債息自高位回落到低位，金價反彈幅度介乎5.9%至14.4%，支持位暫時睇4000，短線而言，金價會有反彈空間，又估計CPI唔會出現太大波動，始終油價未見大幅波動，所以金價未必會出現明顯趨勢性突破。

Patrick又話，金價已自歷史高位調整逾20%，而金價仍然處於熊市，即使美國聯儲局唔加息，但美息企喺4厘樓上，金價仍會有壓力，彈咗上去之後會有一定沽壓，但暫時應該唔會跌穿4000美元。