【名家給力場】中央「兩新藥」令樓市回暖？

【Now財經台】標普指出，參考美國、日本、西班牙及香港樓市下行經驗，估計內地一手樓價，或於2028年第3季見底，一線城市更有機會搶閘喺明年復甦。此外，摩根大通指，內地25個城市銷售喺10月首11日按年大升46%，市場對內地樓市回暖係咪睇得較樂觀？

廣東省地產商會副會長尹德輝指，內地樓市連跌近10年，已經去到低基數水平，其實可以話見底，所以出現反彈係正常，現時復甦主要集中喺一線及科技發達嘅城市，二三四線城市整體嚟講仍然係跌緊。

不過，尹德輝認為，近期有兩項較特別嘅全新政策，首先係罕有政府提供樓按貼息，其次係禁發展商賣樓花，要求要接近現樓先可賣，反映對樓市有信心，呢個政策對後市有好大作用，因為正式告別「買咗樓但收唔到樓」嘅情況，並淘汰缺乏實力嘅發展商，令樓市長遠發展較堅實。