【息賺】「債息風暴」唔及當年歐債危機嚴重

【Now財經台】踏入10月，歐洲政局不確定性進一步加劇，市場對各國政府財政狀況嘅憂慮升溫，導致歐洲多個國家嘅長債息飆升，而被視為「風眼」嘅法國，10年期債息一度迫近5厘，到底爆發歐債危機2.0嘅機會大唔大？依家法國債跌到咁殘，係咪可以考慮買入？

上海商業銀行研究部主管林俊泓認為，依家嘅情況冇當年歐債危機咁嚴重，如果去到債務危機一定係金融體系出事，銀行出現問題，依家歐洲銀行未有出現問題，歐債佔銀行portfolio約10%，亦唔會輸晒，佢估計，債息抽升對銀行債券嘅影響介乎5%至6%，對整體資產影響僅約0.4%至0.5%，現時歐洲銀行一級資本水平(Tier 1 Capital)12%至13%，即對Tier 1 Capital嘅影響唔超過10%，要動搖市場信心，爆發金融危機，要Tier 1 Capital被蠶食20%至30%，就會對市場有影響。

至於應唔應該買法國債，Ryan就話...