【智識賺】AMD買World Labs其實想攞呢張「王牌」

【Now財經台】除英偉達(Nvidia)股價上周五(2日)創新高外，其實美國另一家晶片龍頭超微半導體(AMD)股價都破頂，集團斥資82億美元收購有「AI教母」之稱李飛飛嘅World Labs，呢家公司聚焦前沿空間智能(Spatial Intelligence)，願景係教導人工智能(AI)理解現實物理世界，由2D走向3D，呢單Deal凸顯咗AMD幾大野心？

復星國際資產管理投資經理李曉翀指，AMD想喺AI編程市場外，尋找新增長空間，AI訓練方面，Nvidia軟硬件發展毫無疑問係一個好強嘅護城河，而AMD喺軟件方面係相對落後，今次收購會幫到AMD解決軟硬件發展遇到嘅關卡。

Andrew又指，要了解物理型企業，就要知道呢啲公司有咩需求，當知道之後，AMD就有機會可以加快產品銷售，呢個都係AMD喺部署上嘅野心。佢又話，其實AMD進行任何併購目的係想補短板，而集團呢方面嘅執行力一直好強，尤其行政總裁蘇姿丰(Lisa Su)入主後，集團併購執行力更推升埋股價。