【期匯決算】「習特會」後有機加大農產品採購力度

【Now財經台】「習特會」之後，暫時未有關於農產品嘅消息公布，穀物期貨價格應聲下跌，其中大豆價格再跌近1%，市場真係睇得咁淡？今次中美元首會面氣氛良好，有冇機會再加碼購買大豆？

方德證券首席全球宏觀分析師張建泰認為，主要係市場預期較樂觀，更有媒體報道，中國會談前已有企業向美國購買大豆，但佢認為，涉及金額應較保守。

佢又認為，美方邀請好多商界名人參加國宴，但中方冇中企高層隨行，所以未必會做到大Deal，加上中美關係啱啱開始回暖，但又未至於破冰。張建泰續指，由於農產品範疇爭議較少，所以都有機會加大採購力度。