【名家給力場】美股第4季投資策略

【Now財經台】全球國債孳息率向上，市場對各類資產重新定價，依家最大變數除息口走向、美伊關係，仲有11月舉行嘅美國中期選舉，喺複雜多變嘅形勢下，第4季應該點揀股？

冠域商業及經濟研究中心主任關焯照指，投資者需留意系統性風險，中東局勢仍然緊張，不斷推高通脹，導致長債息不斷衝高，當利息支出加大，還錢能力下降，市場擔心會進入債券漩渦。

關博士續指，美國總統特朗普(Donald Trump)現時民望較低，估計11月中期大選有機會輸，到時美股或會出現震盪，不過，只要投資者避開息口敏感股，揀優質股票投資就冇問題，例如擁有新盈利引擎嘅Meta，以及網絡安全類股分，都係唔錯嘅選擇，但硬件股就要小心，部分資產重、債務高嘅公司或受影響。