【FINTERVIEW】 美國通脹明年降溫？(上)

【Now財經台】通脹預期推高長債息，高盛周二(22日)再出報告，繼續預期美國核心個人消費支出(PCE)物價指數會見頂回落，關稅亦會消退。雖然霍爾木茲海峽(Strait of Hormuz)未完全開通，但中東整體石油出口已回復至戰前80%水平，中國亦放慢進口石油步伐。點睇美國通脹走勢？

華僑銀行外匯及利率策略主管張淑嫻指，現時情況仍然唔明朗，基本預期都係假設油價逐步回落，但要睇速度及回落到咩水平，若按前一輪通脹或二次通脹傳導，以及3月、4月油價升温時嘅升勢，油價嘅傳導其實差唔多完，事實上，美國8月消費物價指數(CPI)都反映通脹冇再抽升。

Frances又話，現時市場仍然擔心地緣政治唔解決，油價都好難回落，雖然暫時仍有石油庫存，但都係有限度，若持續動用庫存，緩衝空間就會愈來愈細。

佢續指，若明年通脹降溫係源於基數效應，除非明年油價升幅比今年更大，否則，對通脹的貢獻會愈來愈少，加上月底核心PCE重新換算，應會令核心PCE通脹跌0.1%至0.3%。