【智識賺】傳Anthropic再推遲上市有咩盤算？

【Now財經台】市傳Anthropic今年年化收入會突破1000億美元，但上市時間再度推遲，最新會喺美國11月中期選舉後，呢個安排同之前話人工智能(AI)過快發展，引發隱患等言論影響市場氣氛有冇關? Anthropic係咪可以爭取到更高估值上市？

易方資本投資組合經理王逸研相信，Anthropic爭取更高估值係關鍵，雖然Anthropic行政總裁阿莫代伊(Dario Amodel)話，AI實驗室(AI Lab)需要放緩AI發展，但過去1至2周，Anthropic、OpenAI、xAI及Google等美國科技巨企，仍繼續訂新GPU(圖形處理器)及記憶體等補充AI部件，現時相關訓練亦冇暫停。

Issac認為，困難在於AI Labs競爭風氣令呢啲公司好難有互信，就算Anthropic停手，對手都未必會停，包括內地同業，因此，依家做法就係先將未來規劃講出嚟，後續要有政府實施監管，用上而下嘅形式迫所有人停，先有機會令AI發展放緩。