【環球金融快線】軟件、硬件股可以玩「買兩邊」

【Now財經台】過去3年係人工智能(AI)投資爆發期，投資金額由2024年2530億美元，暴增至2025年5800億美元，有機構估計，今年更升至逾7500億美元。不過，隨著數據中心電力、用水等問題浮現，AI投資增速會唔會開始放慢？投資者揀AI股時又要留意乜嘢？

iFast Global Markets副總裁溫鋼城認為，AI投資增至7500億美元後，增速有機會放慢，美國爆發唔少關注數據中心電力、用水及土地消耗嘅示威，有機會令AI建設速度放慢。佢又指，AI投資未來再出現倍升機會較細，但逐步升至介乎8000億至9000億美元，就仍然合理。

Harris建議，若科技股回調，但盈利增長仍然跟得上，投資者可以考慮趁低吸納，又預期資金會喺軟件、硬件板塊之間輪動，投資者可以兩邊都做配置，分散投資風險。