【息賺】美國債 VS 企業債

【Now財經台】市場關注本周美國、英國及日本央行議息，多國國債息都扯高，其中，美國10年期債息迫近5厘，升上近3年高位，若10年期債息突破5厘，會觸發撈底，還是突破心理關口繼續升？

FSM Global(香港)總經理陳家朗表示，留意到近期投資者都想撈底，由於近半年國債跌得勁，投資者見到迫近5厘，即係無風險利率，就認為愈來愈吸引，令交投氣氛熾熱。

至於投資者係咪開始由買企業債轉為買國債，Jackson就話，暫時未見出現呢個情況，因為企業債定價本身會因應國債收益率而改變，高投資級別、大型企業發行嘅債券，債息未見大幅收窄，仍有5.4至5.5厘，比10年期國債嘅5厘，高49至50點子，因此，投資者仍傾向買5.5厘企業債券。