【全民打新】抽唔抽星環科技先睇一樣嘢

【Now財經台】內地人工智能(AI)基礎設施軟件供應商星環科技(06727)，今日(11日)開始收飛，公司主要賣AI及大數據基礎設施軟件產品，客戶包括企業及政府，值得留意係，之前軟件股爆拋售潮，市場依家係咪仍有戒心？星環科技抽唔抽得過？

Blue Water Capital投資總監李澤銘指，市場對軟件股嘅質疑愈嚟愈大，雖然星環科技做軟件，但更多係做PaaS(平台式服務)，本身唔係一個現金流豐富嘅行業，純粹因為AI大時代來臨，所以做埋AI呢瓣業務，令公司有AI概念。不過，市場對AI有好大戒心，睇法轉趨審慎，相信AI相關股包括軟件、應用，估值都會進一步壓縮。

至於星環科技抽唔抽得過，Alan建議保持審慎，由於先A後H股上市後鈿普遍唔係特別好，所以要留意H股定價相對A股折讓係咪吸引。